İsrail rejimi Myanma dövlətilə hərbi əməkdaşlıq edir
Posted on : Digər sahələr 10/16/2017 1:00:33 PM
Sionist mənbələr yazıblar ki, Myanma ordusunun və ekstremist buddistlərin Myanma müsəlmanları əleyhinə hücumlarının artdığı bir halda, İsrail rejimi Myanma dövlətini silahlandırmaqda davam edir.
Sionist Haarets qəzeti bu bir
reportajda işğal olunmuş Fələstində sionist rejimin təhlükəsizlik ixracatı şöbəsinin
müdiri Mişel ben Baruxun ötən yayda Myanmaya olmuş səfərinə toxunaraq, yazıb
ki, həmin səfər zamanı Myanma hərbi şurasının başçıları sionist rejimdən hərbi
qayıqlar satın aldıqlarını etiraf ediblər.
Belə bir halda, Myanma hərbi
şurasının başçılarından biri də 2015-ci ilin sentyabrında işğal olunmuş Fələstinə
səfəri zamanı sionist rejimin başçısı və bu rejim ordusunun qərargah rəisi ilə
görüşübdür.
BMT statistikalarına əsasən, son
günlər ərzində Myanma ordusunun və ekstremist buddistlərin Myanma müsəlmanları əleyhinə
hücumlarının artmasının ardınca Myanmanın Raxin əyalətindən 90 min ruhinqalı
müsəlman bu ölkədən qaçıbdır.
Myanma dövləti təqribən bir milyon
ruhinqalı müsəlmanı qanunsuz mühacir hesab edir və onlara heç bir vətəndaşlıq
hüququ vermir. Myanmada müsəlmanlara qarşı repressiyanın şiddətlənməsi indiyədək
minlərlə nəfərin ölümü ilə nəticələnib və on minlərlə nəfər də öz ev-eşiyini tərk
etməyə məcbur olubdur.