Bu gün müqəddəs Qədir-Xum bayramıdır
Posted on : Digər sahələr 10/16/2017 1:00:33 PM
Qədir-Xum bayramı peyğəmbərimizin sevimli kürəkəni, ilk imamımız Hz. Əli aşiqlərinin bayramıdır.
Bu gün müqəddəs
Qədir-Xum bayramıdır. Bu bayram ölkəmizdə də mömin insanlar tərəfindən qeyd
olunur. Qədir-xum bayramının yaranmasının İslamda çox böyük tarixi önəmi var.
Belə ki, Hicrətin 10-cu ilində Peyğəmbər (s) sonuncu həcc ziyarətindən -
"Həccül-vida" - dan qayıdarkən, Zucan adlı yerə yetişdikdə, ona yeni
bir vəhy nazil olur. “Ey Rəsul! Sənə nazil olanları insanlara çatdır, əgər bu
işi görməsən, öz risalətini (peyğəmbərlik missiyasını) tamamlamamış
olursan...". («Maidə» surəsi, 67)
Qədir-Xum
bayramı peyğəmbərimizin sevimli kürəkəni, ilk imamımız Hz. Əli aşiqlərinin
bayramıdır.
Önəmli dini
bayramlardan olmasına baxmayaraq insanlarımızın Qədir-Xum bayramı haqqında o qədər
də məlumatı yoxdur. Şəhər sakinləri arasında keçirdiyimiz sorğu da bunu təsdiqlədi.İlahiyyatçı
Hacı Səməd isə insanların dini bayramlarımızın mahiyyətinin xalqa tam
çatdırılmamasında din xadimlərinin də məsuliyyətli olduğunu deyir.
Peyğəmbərin
ömrünün sonunda, mühüm bir məsələ qalmışdı ki, o məsələ həll olunmasa , risalət
tamamlanmırdı. Peyğəmbərin 23 illik zəhməti ilə bərabər olan və müsəlmanların
bilməsi zəruri olan bu məsələ Peyğəmbərdən (s) sonra öz müqəddaratlarının kimə
tapşırılması məsələsi idi. Təbii ki, bu məsuliyyət də insanların ən fəzilətlisinə
və ən üstününə tapşırılmalı idi ki, bu şərəfli işin öhdəsindən gələ bilsin. Qədir-Xum
bayramının əhəmiyyəti də ondadır ki, məhz bu gün peyğəmbərimiz özündən sonra
İslamı yaşatmaq və yaymaq üçün ən layiqli namizədi Hz. Əlini seçdi./ islamazeri
Bu müqəddəs
bayram münasibətilə biz də bütün möminləri təbrik edirik!