“ParsToday”-ə istinadən, İranın Nanotexnologiyaların İnkişafı üzrə Qərargahının Sənayenin İnkişafı qrupunun direktoru Əli Tahari bildirib ki, İran İslam Respublikası dünyanın 21 ölkəsinə nano-məhsul ixrac edir.

“İranın istehsal etdiyi nano-məhsullar dünya bazarında uğur qazanıb və 21 ölkəyə ixrac edilir. Bu ölkələr arasında Avstraliya, Almaniya, Çin, Cənubi Koreya, Avstriya və Rusiya da var.”, - deyə o qeyd edib.

İranda nano-liflərin istehsalı üçün qurğuların hazırlanması haqda xatırladan Tahari əlavə edib: “İranda nano-liflərin seriyalarla istehsalı start götürdükdən sonra, bu məhsul Cənubi Koreyaya ixrac edilməyə başladı və həmçinin Çinlə də ixraca dair müqavilə imzalandı.”

Qeyd edək ki, İran nanotexnologiyalar sahəsində öndə gedən ölkələrdən biridir və dünya reytinqində 6-cı yerdə qərarlaşıb.