“Times” qəzetinə istinadən verdiyi xəbərə əsasən, İŞİD terrorçuları “Taliban” terrorçuları ilə birlikdə yenidən Əfqanıstanda yaşayan şiə Həzara xalqına qarşı hücumlar törətmək niyyətində olduğunu bildirib.

 

Qeyd edək ki, həzaralar Əfqanıstan əhalisinin təxminən 8 faizini təşkil edir və şiə müsəlmanlardır. Məhz dini baxışlarına görə onlar terrorçular tərəfindən xüsusi təqib və zülmə məruz qalıblar və qalırlar da.

 

Xatırladaq ki, ötən həftə “Taliban” terrorçuları İŞİD-çilərlə birləşərək, ölkənin şimalında yerləşən Sari-Pul əyalətinin Səyyad rayonunda xəzərələrə hücum ediblər. Hücum zamanı azı 50 dinc sakin qətlə yetirilib. Ölkənin prezidenti məlum hücumu “hərbi cinayət” adlandırıb.

 

Məlumata görə, məlum hücumu İŞİD-ə qoşulmuş keçmiş “Taliban” komandirlərindən biri təşkil edib. Qəzet yazır ki, “Taliban” terrorçuları ilk öncə İŞİD-lə birgə hərəkət etdiyini təkzib etsə də, hazırda bir çox mənbələr “Taliban”-İŞİD ittifaqının həqiqət olduğunu təsdiq edib../ İslamazeri.com