ABŞ, İsrail və Rusiya arasında gizli görüş: Təl-Əviv yenə narazı qalıb
Posted on : Digər sahələr 10/16/2017 1:00:32 PM
ABŞ, İsrail və Rusiya arasında gizli görüş: Təl-Əviv yenə narazı qalıb
Vaşinqton, Təl-Əviv
və Moskva Suriyanın gələcək taleyi ilə bağlı gizli toplantı keçirib. Bu barədə
"Haaretz" qəzeti yazıb. Nəşrin yazdığına əsasən, İsrail-Suriya və
İordaniya-Suriya sərhədlərində təhlükəsiz zona yaradılması ilə bağlı keçirilən
görüş İsrail rejimi üçün nəticəsiz yekunlaşıb.
Qeyd edək ki,
ABŞ, İsrail və Rusiya rəsmilərinin ötən ayın əvvəli İordaniyanın paytaxtı
Əmmanda təşkil olunan toplantısında razılıq əldə olunmayıb. Görüşdə İsraili
Xarici İşlər Nazirliyi, Müdafiə Nazirliyi, "MOSSAD" Kəşfiyyat Xidməti
və ordudan yüksəkçinli rəhbərlər, ABŞ-ı Maykl Ratney və Brett Mcgurk, Rusiyanı
isə Putinin Suriya nümayəndəsi Aleksandr Lavrentiyev təmsil edib.
İsrail rejimini
görüş zamanı narahat edən məqamlardan biri də həm ABŞ, həm də Rusiyanı
Suriyadakı İran varlığının narahat etməməsi olub./ FaktXəbər