Türkiyədə bələdiyyənin qapısına rüşvətlə bağlı hədis yazılmış lövhə
Posted on : Digər sahələr 10/16/2017 1:00:32 PM
Bələdiyyənin qapısına "Rüşvət alan da verən də məlundur" hədisi yazılıb.
Türkiyə
mediasına istinadən, Diyarbəkirdə bələdiyyə binalarının giriş qapısına
"Rüşvət alan da verən də məlundur" (məlun: lənətlənmiş - red.) hədisi
yazılıb.
Türkiyə Daxili
İşlər Nazirliyi tərəfindən təyin edilən Bismil bələdiyyə başçı vəkili Turqay
Gülənçin rüşvət və korrupsiyaya qarşı mübarizə aparmaq üçün başlatdığı işlər
davam edir. Bu çərçivədə Gülənçin göstərişilə bələdiyyə binasının giriş
qapısına "Rüşvət alan da verən də məlundur" hədisi yazılıb.
Gülənç vəzifəyə
gələndən bu yana rüşvət və korrupsiyayla ciddi mübarizə apardığını deyib. Haqq
və hüquq çərçivəsində millətə xidmət edəcəklərini bildirən Gülənç deyib:
"O yazını ora yazmışıq ki, bundan sonra hər kəs addımını doğru atsın. Qətiyyətlə
səhv edən atamın oğlu da olsa gözünün yaşına baxmaram. Bunu hər kəsin bilməsi
lazımdır. Bu yolda bəzən səhv edən insanlar ola bilir. Artıq bir dövr bağlandı,
yeni dövr başlayır. Beləliklə, hər kəsin qatıq yeməsi fərqlidir. Biz qatığı belə
yeyirik. Heç kimə belə bir fürsət verməyəcəyik. Yəni zamanla bəzi şeylər ortaya
çıxa bilər. Bunların tədbirini indidən almış oluruq." / İslamazeri.com