4 ölkə İranı BMT-yə şikayət etdi - ƏTRAFLI
Posted on : Digər sahələr 10/16/2017 1:00:32 PM
ABŞ, Böyük Britaniya, Almaniya və Fransa keçən həftə kosmosa peyk göndərdiyini açıqlayan İranı Birləşmiş Millətlər Təşkilatı Təhlükəsizlik Şurasına (BMT TŞ) şikayət edib.
ABŞ, Böyük
Britaniya, Almaniya və Fransa keçən həftə kosmosa peyk göndərdiyini açıqlayan
İranı Birləşmiş Millətlər Təşkilatı Təhlükəsizlik Şurasına (BMT TŞ) şikayət
edib.
İslamazeri.com
Türkiyə mediasına istinadən xəbər verir ki, İranla nüvə danışıqları aparan 6
ölkə arasında yer alan dörd Qərb ölkəsinin məktubunda İranın "Simurq"
raketinin kosmosa göndərilməsi "təxribatçı və hədələyici" bir addım
kimi dəyərləndirilib.
Raketin növünə
dair qəti bir fikrə yer verilməyən məktubda, bunun balistik raket olması
halında nüvə başlığı daşıya biləcək tutum və mənzilə sahib ola biləcəyi qeyd
edilib.
BMT TŞ-YƏ GÖRƏ
QADAĞANDIR
Bu hərəkətin İran
ilə BMT TŞ 5 daimi üzvü və Almaniya (P5+1) arasında 2015-də əldə edilən və BMT
TŞ tərəfindən təsdiqlənən müqavilə ilə (JCPOA) zidd olduğu iddia edilən məktubda,
sözügedən müqaviləyə əsasən İranın nüvə başlıq daşıya biləcək balistik raket
inkişaf etdirilməsinə dair hər hansı bir hərəkət etməsinin qadağan olduğu
xatırladılıb.
Məktubda, beynəlxalq
cəmiyyətdən İrana hərəkətlərinin müqaviləni pozduğu barədə açıq mesaj göndərməsi
tələb olunub.
İRANA ÇAĞIRIŞ
EDİLİB
Böyük
Britaniyanın BMT-dəki daimi nümayəndəsi Metyu Raykroft da jurnalistlərə verdiyi
açıqlamada, İran ilə aparılan nüvə sazişini dəstəkləməyə davam etdirdiklərini
bildirərək, "Müqavilənin bütün tərəflərinə sözlərinə sadiq qalma və
müqavilənin şərtlərinə uyğun davranma çağırışı edirik",- deyib.
İran Dövlət
Televiziyası iyulun 27-də kosmosa inkişaf etmiş bir peyk atıldığını
bildirmişdi.
Uzun müzakirələrin
ardınca İran P5+1 ölkələri ilə 2015-də nüvə proqramının dayandırılması və əvəzində
BMT sanksiyalarının ləğv edilməsi haqqında saziş imzalanmışdı.