“Beynəlxalq Qüds Günü” ilə bağlı keçirilən müsabiqə iştirakçıları mükafatlandırıldı - FOTO
Posted on : qafqaz 10/16/2017 1:00:28 PM
Beynəlxalq Mətbuat Mərkəzində “Beynəlxalq Qüds Günü” ilə bağlı elan olunan məqalə müsabiqəsinin qaliblərinin mükafatlandırma mərasimi keçirilib. Müsabiqə “Qələm Yazarlar Birliyi” nin təşkilatçılığı ilə baş tutub
Tədbirdə ölkənin siyasi-ictimai xadimləri və media nümayəndələri iştirak edib. Tədbirdə çıxış edənlər torpaqlarının 20 faizi işğal altında olan Azərbaycanda “Beynəlxalq Qüds Günü” ilə bağlı bu cür müsabiqələrin keçirilməsini təqdirəlayiq hal kimi dəyərləndirib. Çıxış edənlər “Beynəlxalq Qüds Günü” nün mahiyyətindən, sionizmə və imperializmə qarşı əlamətdar bir gün olduğundan bəhs edib. Tədbirin sonunda müsabiqədə yer tutan qələm sahibləri mükafatlandırılıb.
Qeyd edək ki, “Fələstində tikilən binalar və bənnalar” məqaləsinə görə, “Strateq.az” saytının əməkdaşı Əziz Rzabəyli 1-ci yer, “Vətən Uğrunda” ictimai-siyasi qəzetin əməkdaşı Arzu Abdullayeva 2-ci yer, “Təzadlar” qəzetinin baş redaktor müavini Elbar Şirinov 3-cü yerə layiq görülüb. /
