Türkiyənin Adana şəhərində tanınmış ilahiyyatçı Alparslan Kuytulun "Furqan" təşkilatının keçirmək istədiyi İslam Peyğəmbərinin mövlud həftəsi tədbirinə izin verilməməsi və Türkiyə prezidenti Rəcəb Tayyib Ərdoğanın köməkçisi - xüsusi yazı işləri müdiri Cem Küçükün Mavi Mərmərə gəmisindəkilərə (şəhidlər daxil) manyak, radikal deməsinə etiraz olaraq keçirilən mətbuat açıqlamasına polisdən çox sərt təpki gəlib.

Belə ki, polislər təşkilat üzvlərinə hücum edərək ağır bədən xəsarətləri yetirmiş, qadınlara gözyaşardıcı qazla hücum ediblər. Hadisə 22 apreldə baş verib.

Qeyd edək ki, bu xəbərlər çox az media tərəfindən işıqlandırılıb.

Xatırladaq ki, Alparslan Kuytul Türkiyədə vəhdətçi, İsrail əleyhdarı və Ərdoğanın siyasətinə sərt etiraz edən nadir ilahiyyatçılardandır.