İmam Musai Kazım (əleyhi səlam) Hicri Qəməri tarixi ilə 128-ci il Səfər ayının 7-də Mədinə şəhərində Böyük İslam Peyğəmbəri həzrəti Muhəmməd ibn Abdullahın (əleyhi səlam) evində dünyaya göz açıb. Atası həzrət İmam Cəfəri Sadiqin (əleyhi səlam) məzlumcasına şəhadətə yetməsindən sonra 35 ilə yaxın İmamət məqamının ağırlığını öz çiyinlərində daşıyıb. Bu yolda O, dəfələrlə zalım rejim tərəfindən şərlənərək həbs edilib və 55 illik mübarək ömrünün 20 ilini zindanlarda keçirib. Lakin bütün bunlarla belə həzrət İmam Musai Kazım (əleyhi səlam) İslam Maarifinin yayılmasında böyük təsirə malik olub. Sonda Hicri Qəməri tarixi ilə 183-cü il Rəcəb ayının 25-də, Allah Taalanın Canişinlik məqamını qəsb etmiş məlun Harun əl Rəşidin bir-başa əmri ilə zindanda şəhid edilir... Şiələr bu günü matəm saxlayır və İmamına qan ağlayırlar.

Aşağıda müşahidə edəcəyiniz fotolar İmam Musai Kazımın (əleyhi səalm) şəhadətinin 1255-ci il dönümünün gecəsi İraqın Kazimyen şəhərində yerləşən İmam Musai Kazım (əleyhi səalm) və nəvəsi 9-cu İmam həzrət Muhəmməd Cavadın (əleyhi səlam) pak hərəmində keçirilən əzadarlıq mərasimində çəkilib. /Abna