Genişmiqyaslı təlimlərin döyüş atışlı mərhələsi icra olunub
Posted on : qafqaz 10/16/2017 1:00:26 PM
Azərbaycan prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən keçirilən genişmiqyaslı təlimlərin döyüş atışlı əsas mərhələsi icra olunub.
APA-ya istinadən
, plana müvafiq olaraq bu mərhələdə
artilleriya, hava hücumundan müdafiə vasitələri, aviasiya, xüsusi növ qoşunlar,
eləcə də digər birləşmələr silah və texnikanın tətbiqi ilə təlim-döyüş
tapşırıqlarını yerinə yetiriblər.
Müasir
ümumqoşun döyüşünün prinsiplərinə riayət edilməklə, mürəkkəb relyef şəraitində
və şərti düşmənin ehtimal olunan fəaliyyəti nəzərə alınaraq qoşunların, eləcə də
idarəetmə sistemlərinin qarşılıqlı əlaqədə effektiv tətbiqi həyata keçirilib.
Müxtəlif poliqonlarda
və müasir avadanlıqla təchiz edilmiş təlim sahələrində döyüş atışları, bölmələrin
və atəşin manevrləri yerinə yetirilib.