“Hizbullah”-ın baş katibinin müavini Şeyx Nəim Qasim həqiqi düşmənlərinin İsrail rejimi olduğunu vurğulayıb.

Həqiqi düşmənlərini heç vaxt unutmayacaqlarını deyən Şeyx Qasim bildirib: “Bu rejim məzlumcasına olan şüarlarıyla ərəb ölkələrinə, medialara, BMT və Təhlükəsizlik Şurasına daxil olur. Daim “Hizbullah”a , İrana və Fələstinə hücum edərək, bu qüvvələrin İsrail adında ölkənin yaranmasını istəmədiklərini bəyan edir. Sanki İsrailin haqqıdır ki, başqalarının torpaqlarını işğal etsin. Təəssüf olsun ki, bəzi ərəb ölkələri bu rejimə dəstək olurlar, lakin biz səbirli olmalı və həqiqəti deməliyik. İsrail təcavüzkardır. Bölgədə son 30 ildə baş verən bütün müharibələrin səbəbkarı bu rejimdir. İsrail problemin özüdür.”