ABŞ prezidenti Donald Tramp daha bir ştatın məhkəməsi tərəfindən təzyiqlə qarşılaşıb. Belə ki, Havay ştatının məhkəməsi Donald Trampın yeni miqrasiya fərmanının icrasını müvəqqəti təxirə salıb.

"The Guardian" qəzeti xəbər verir ki, ABŞ-ın Ədliyyə Nazirliyi federal dairə məhkəməsinin qərarı ilə qətiyyən razılaşmır.

6 müsəlman ölkəsindən olan vətəndaşların ABŞ-a səfər etməsini qadağan edən qərarın icraası hakim Derrik Uotson tərəfindən dayandırılıb. Donald Trampın martın 6-da imzaladığı yeni fərmana əsasən İran, Suriya, Sudan, Yəmən, Liviya və Somali vətəndaşlarının 90 gün ərzində ABŞ-a daxil olmasına qadağa qoyulub. / FaktXəbər