"Amnesty International" hicaba qoyulan qadağanı pislədi
Posted on : qafqaz 10/16/2017 1:00:24 PM
"Amnesty International" beynəlxalq insan haqları təşkilatı Avropa İttaqına bağlı Ədalət Divanının hicabla bağlı qərarını sərt tənqid edib.
Təşkilatın İsveç şöbəsinin rəsmi
internet saytına yerləşədirilən müraciətdə deyilir ki, Avropa Birliyinin Ədalət
Divanının bu qərarı dərin narahatlıq yaradıb.
Qərarın müsəlmanlara qarşı
diskriminasiyaya təkan verəcəyi vurğulanan bəyanatda daha sonra qeyd edilib:
"Çox problemli və yersiz bir qərardır. Qərar işəgötürənlərin müsəlmanlara,
xüsusilə dini inanclara görə hicab taxan qadınlara ayrı-seçkiliyini
legallaşdırır. Belə olan təqdirdə müsəlman qadınların dövlət işində işləməsi
daha da çətinləşəcək. Bundan başqa qərar kimlik və görünüşü siyasi çəkişmələrin
hədəfinə çevriəcək. Bu səbəbdən məhkəmələr verdiyi qərarlarla insanları təqiblərdən
qorumalıdır".
Qeyd edək ki, mərkəzi
ofisi Lüksemburqda yerləşən Avropa Ədalət Divanı iş yerlərində əməkdaşlara baş
örtüklərini qadağan etmək hüququ verən qərar qəbul edib. Qərar baş örtüyünə görə,
Belçika və Fransada işdan azad edilən iki qadının şikayəti üzrə məhkəmə
prosesində qəbul edilib. / FaktXəbər