Abgül Süleymanovun "kars" müddəti artırılıb
Posted on : qafqaz 10/16/2017 1:00:24 PM
İlahiyyatçı Hacı Abgül Süleymanov dünən cəza kamerasından çıxarılmayıb
Xəbər
verdiyimiz kimi 11 saylı Cəza Çəkmə Müəssisəsində həbsdə olan ruhani Hacı Abgül
Süleymanov 6 mart saat 18 radələrində cərimə kamerasına salınmışdı. Cəza müddəti
5 gün olsada ruhaninin cəzası dünən artırılıb.
Bu haqda
İslamazeri.az-a Abgül Süleymanovun yaxınları məlumat verib.
Məlumata görə,
dünən axşam saatlarında ruhani cəza kamerasından azad edilməli olsada sonradan
cəzanın bir aya qədər artırıldığı məlum olub.
Qeyd edək ki,
ruhaninin cəza kamerasına salınmasının səbəbi
Şeyx Sərdar Hacıhəsənli ilə bağlı yaydığı bəyanat və bəyanatın KİV-də əks
səda doğurması olub.
Xatırladaq ki,
ruhaninin abgulsuleymanov.com saytı vasitəsilə zindandan yaydığı bəyanatda
deyilirdi: "Biz də Şeyx Sərdarın günahsız yerə həbs edilməsinə çox narahat
olduq. Mən həmişə şeyx Sərdarı özümə böyük qardaş bilmişəm. Əgər namaza görə
kimisə həbs edirlərsə, bu bir növ Allah ilə düşmənçilik eləməkdir. Əgər bu gün
şeyx Sərdarı namaza görə həbs edirlərsə, demək ki, hər bir inanclı şəxsin
Allaha ibadət etdiyinə görə həbs edilmə ehtimalı vardır. Müsəlman ölkəsində belə
bir hadisənin baş verməsi çox acınacaqlıdır. Şeyx Sərdara 7-dən 70-ə hamı
bacardığı şəkildə öz dəstəyini bildirməlidir."