Bəşər Əsəd: Türkiyə hələ də İŞİD-ə dəstək verir
Posted on : Digər sahələr 10/16/2017 1:00:24 PM
"İŞİD-lə bağlı təşkil olunan iclaslar real deyil, çünki Türkiyə adlı bir ölkə hələ də bu terror qruplaşmasına dəstək verir. Ərdoğan “Müsəlman Qardaşlar” təşkilatının üzvüdür. O ideoloji baxımdan İŞİD və "Nusra"ya yaxındır. Bölgədə olan hamı bunu yaxşı bilir..."
“Farsnews”-a
istinadən, Suriya Prezidenti Bəşər Əsəd ölkə böhranı barədə müsahibə verib.
ABŞ qüvvələrinə
Suriyada olmalarıyla bağlı dövlət tərəfindən heç bir icazənin verilmədiyini deyən
Bəşər Əsəd bildirib:
“Suriya dövlətindən
icazəsiz olaraq ölkə ərazilərinə daxil olan bütün qüvvələr işğalçı hesab
olunur. İstər ABŞ olsun, istər Türkiyə. Bizim fikrimizə görə, onların
torpaqlarımızda olmasının xeyri olmayacaqdır. Onlar nə etmək istəyir? İŞİD-lə
mübarizə aparmaq istəyirlər? ABŞ daxil olduğu müharibələrdə məğlub olub.
İraqda, Somalidə uduzdular. Amerikalılar yalnız hay-küy qaldıra bilirlər. Onlar
problem yaratmaq və ölkələri viran etmək barədə təcrübəlidirlər, problemlərin həllində
yox!”
Türkiyənin hələ
də İŞİD-ə dəstək verdiyini deyən Əsəd bildirib: “İŞİD-lə bağlı təşkil olunan
iclaslar real deyil, çünki Türkiyə adlı bir ölkə hələ də bu terror qruplaşmasına
dəstək verir. Ərdoğan “Müsəlman Qardaşlar” təşkilatının üzvüdür. O ideoloji
baxımdan İŞİD və "Nusra"ya yaxındır. Bölgədə olan hamı bunu yaxşı
bilir. Türkiyə terrorçulardan neft almaqla onlara yardım göstərib. Yeganə ciddi
tərəf Rusiyadır. Bu dövlət əməli olaraq bizimlə həmkarlıq edərək, İŞİD-lə
savaşır. Rusların hələ də ümidi var ki, Türkiyə və ABŞ onlarla həmkarlıq edərək,
terrorçularla mübarizəyə qoşulacaq. İŞİD hələ də Türkiyənin dəstəkləri sayəsində
müqavimət göstərir.” / İslamazeri.az