Ərəblərin Azərbayacana üz tutmasının 3 SƏBƏBİ
Posted on : qafqaz 10/16/2017 1:00:23 PM
Artıq 1 ildən çoxdur ki, Azərbaycana ərəb ölkələrindən kütləvi sürətdə turistlər gəlir.
Bu məsələ ətrafında
ictimai sektorda bir çox müzakirələr aparılıb və ərəblərin istirahət etmək üçün
Azərbaycanı seçməsi müzakirə obyektinə çevrilib. Ərəblərin ölkəmizə gəlməsi
ictimaiyyətdə həm müsbət, həm mənfi qarşılansa da, onların Bakını seçməsi daha
çox maraq doğurur.
FaktXəbər
olaraq mövzunun aktuallığını nəzərə alıb, ölkəmizə səfər etmiş ərəb ailələrindən
biri ilə həmsöhbət olduq və ona ölkəmizə, daha dəqiq desək paytaxt Bakıya gəlməsinin
səbəbləri barədə suallar ünvanladıq. Ərəb qonağımızla danışdıqda Azərbaycanın
Yaxın və Orta Şərqdə kifayət qədər təbliğ olunmasının şahidi olduq. Ərəblərin
Azərbaycana kütləvi axını ilə bağlı ünvanladığımız suallara aldığımız cavablar
bunu deməyə əsas verdi ki, ərəblərin ölkəmizə üz tutmasının əsas 3 səbəbi var.
Sabitlik. Ərəblər uzun illər istirahət etmək üçün Suriya, Livan, Misir,
Tunis, Liviya və Türkiyəni seçiblər. Lakin "Ərəb baharı"nın
başlamasından sonra turistlərin bu ölkələrdə istirahət etməsi təhlükəyə
çevrilib. Tunis, Liviya və Misirdə prezidentlərin devrilməsi, Suriyanın hələ də
davam edən müharibədən sonra xarabalığa çevrilməsi və Livanın isə İsraillə
tez-tez münaqişələrə girməsi bu ölkələrə turist axının qarşısını alıb. Türkiyədə
də son zamanlar baş verən terror aktları ərəbləri o ölkədən də uzaqlaşdırıb.
Sadalanan ölkələrdə mövcud olmayan stabilliyi Azərbaycanda tapan ərəblər bundan
məmnundur və turist kimi Bakıya gəlməyə davam edirlər.
Qənaət. Dünya ölkələrində müşahidə olunan devalvasiyalar Azərbaycan da
müşahidə olunub. Azərbaycanın yerli manatı dollar qarşısınıda bir neçə
devalsiyaya uğrayaraq 1.80 AZN-ə kimi geriləyib. Azərbaycana gələn ərəblərin
özləri ilə dollar gətirməsini nəzərə alsaq, Azərbaycanda pul xərcləməyin nə qədər
xoş olmasını təsəvvür etmək çətin deyil.
İstirahət məkanları. Ərəb ölkələrindən vətəndaşların Azərbaycana üz tutmasına səbəblərdən
biri də ölkənin müxtəlif rayonlarında istihaət kompleksləri, hotellər və əyləncə
mərkəzlərinin fəaliyyət göstərməsidir. Bakıda və digər rayonlarda istirahət edən
ərəblər onlara lazım olan bütün imkanlardan istifadə edə bildikləri üçün bundan
məmnundurlar. Onlar digər ərəb ölkələrindəki bəzi qadağalarla burada
rastlaşmadıqlarını bildirirlər.
Orxan Hüseynov