Donald Tramp Floridada etdiyi çıxışında, Suriya və digər ölkələrdə "təhlükəsiz zonalar" yaratmaq istədiyini deyib. Tramp bunun ABŞ-a qaçqınların gəlməsinin alternativi olacağı fikrini irəli sürüb.

 Yaradılacaq "təhlükəsiz zonaların" xərclərini Körfəz ölkələrinin verməsini istədiyini deyən Tramp, Körfəz ölkələri barəsində belə danışıb: "Puldan başqa heç bir şeyləri yoxdur".

 Tramp əvvəllər də Suriyada təhlükəsiz zona yaratmaq istədiyini açıqlamışdı. Ancaq xərcləri kimin təmin edəcəyinə dair ilk dəfə açıqlama verib.