“Avropa İttifaqı Türkiyəni üzv olaraq qəbul etməyəcək”
Posted on : Digər sahələr 10/16/2017 1:00:23 PM
Melloç Trampla Aİ səfirliyi vəzifəsi üçün danışıqlar apardıqlarını, ancaq hələ rəsmi bir vəzifə olmadığını vurğulayaraq Türkiyənin İttifaqla münasibətləri haqqında bunları söyləyib...
ABŞ Prezidenti Donald Trampın seçki kampaniyasında fəal
iştirak edən və Tramp tərəfindən Avropa İttifaqı səfiri təyin olunmasına şübhə
olmayan Oksford Universitetinin tədris üzvü Ted Melloç işlədiyi universitetdəki
türk tələbəsinin dəvəti ilə Antalyaya gəlib.
Melloç Trampla Aİ səfirliyi vəzifəsi üçün danışıqlar
apardıqlarını, ancaq hələ rəsmi bir vəzifə olmadığını vurğulayaraq Türkiyənin
İttifaqla münasibətləri haqqında bunları söyləyib:
"Əsas sual yaxın zamanda Avropada nə qədər bir siyasi
birlik olacağıdır. Bu sualın cavabı Avropadakı seçkilərdə bəlli olacaq. Amma
Türkiyə üçün bir növ qərar verib əslində: Üzv olaraq qəbul olunmayacaq.
Açıq şəkildə qeyd etmək lazım gələrsə, bunu 20 ildir
bilirdik. Bu Avropa ilə Türkiyənin güclü ticarət əlaqələri olmayacağı anlamına
gəlmir. Mənim təklifim Türkiyənin beynəlxalq platformalara; şimala, cənuba, şərqə,
qərbə strateji yanaşmasıdır.
Ölkələrlə ticari müqavilələr imzalasınlar. Xüsusilə ticari
müqavilələrin imzalanması lazım olan ölkələrdən biri Böyük Britaniyadır. Onlar
Aİ-dən çıxmaq qərarı alıb. Onlarla ticari müqavilə bağlamaları lazım olduğunu
düşünürəm. Avropa qitəsi hər zaman olacaq, Avropa ölkələri güclüdür. Onlar
siyasi olaraq bir araya gəlməyə bilərlər. Bütün Avropa ölkələri Aİ-yə üzv
deyil, məsələn, Türkiyə".