İmam Əlinin “Allahdan qorxma!” tövsiyəsinin anlamı nədir?
Posted on : Digər sahələr 10/16/2017 1:00:21 PM
Hədislərin birində İmam Əlidən nəql edilən tövsiyələrdə “Allahdan qorxma!” ifadəsi keçir. Bunu necə başa düşmək olar?
Təfsiru İmam Həsən
əl-Əskəri əsərində (səh-265) İmam Həsən Əskəridən belə bir hədis var:
“Möminlərin əmiri
İmam Əli vücudunu qorxu bürümüş bir kişini gördü. İmam ona dedi: Sənə nə olub?
Kişi cavab verdi: Allahdan qorxuram. İmam buyurdu: Ay Allahın bəndəsi
günahlarından qorx! Kimsənin ödənilməmiş haqqı səndə qalacağı təqdirdə səni
tutacaq Allahın ədalətindən qorx! Sənə vacib buyurulanlarda itaət et! Səni
islah edən və xeyrinə olan buyuruqlarda günah etmə! Bundan sonra Allahdan
qorxmaq lazım deyil, çünki o kimsəyə zülm etməz. Allah belə bəndəsini layiq
olduğundan artıq cəzalandırmaz. Amma ömrünün aqibətinin pis olacağından, (mənfiyə
doğru) dəyişəcəyindən qorxursansa və Allahın bu pis aqibətdən səni amanda
saxlamağını istəyirsənsə, elə isə bil ki, sənə gələn xeyirlər Allahın kərəm və
tövfiqatı sayəsindədir. (və bil ki,) Gələn pis işlər isə Allahın sənə möhlət
verməsi və sənə görə səbirli olmasına görədir.”
Anlaşılır ki,
insan o dərəcədə Allahdan qorxmamalıdır ki, ümidini itirsin və o dərəcədə
Allahın mərhəmətinə ümidvar olmamalıdır ki, günah etməyə sövq etdirilsin. / İslaminSesi