Türkiyənin Ermənistana etdiyi yardımlar türk dərsliklərində - FOTO
Posted on : Digər sahələr 10/16/2017 1:00:21 PM
Kitabın 137-ci səhifəsində isə yazılır ki, Türkiyə Ermənistanın tələbi ilə və ən ağır dönəmində onlara 100 min ton buğda göndərib
Zaman-zaman
qonşu ölkələrin Ermənistanla əlaqədə olması Azərbaycan ictimaiyyətində geniş
müzakirəyə yol açan əsas mövzulardan biridir. Eyni zamanda Azərbaycana qardaş
hesab edilən Türkiyənin də Qarabağ döyüşləri dövründən indiyə qədər Ermənistanla
mühüm enerji, qida, geyim və digər sahələrdə də əməkdaşlığı faktlarla gündəmə
çıxarılsa da, böyük bir kütlənin bu əlaqələri kor-koranə formada inkar etdiyi
müşahidə edilir. Bu faktları gündəmə gətirənlər isə Türkiyə düşmənçiliyində
suçlanılır.
Halbuki belə
bir əlaqənin mövcudluğu vaxtı ilə Türkiyənin baş naziri olmuş “Səadət”
Partiyasının lideri Nəcməddin Ərbəkanla Azərbaycanın keçmiş prezidenti Əbülfəz
Elçibəy arasında keçirilən görüşdə də çox açıq formada qeyd
edilmişdi .
Lakin bu günlərdə
Türkiyə universitetlərində tədris edilən “Dövlət Universitetinin 'Orta Asya ve
Kafkasyada siyaset' dərslik kitabının 130-cu və 137-ci səhifələrində yazılanlar
artıq Türkiyə Ermənistan münasibətlərinə dair deyilənlərə sanki nöqtəsini
qoydu. Bu münasibətləri ən yumşaq formada Türkiyənin Azərbaycana etdiyi xəyanəti
kimi də dəyərləndirmək mümkündür.
Kitabın 130-cü
səhifəsində yazılır ki Kəlbəcərin işğalından sonra qətliamdan qaçmağa çalışan
camaat üçün Azərbaycan Türkiyədən yardım istəmişdi. Ancaq Türkiyə Rusiya ilə gərginlik
yaşanmasın deyə hərəkətsiz qaldı və etiraz etdi. Ankara bu sırada İranınn qətliamdan
qaçan insanlara Azərbaycan sərhədləri daxlində yardım etməsini dəstəkləmişdi. Yəni
özü Rusiyadan çəkindiyi üçün bir iş görməyib, İranın Azərbaycan yardımlarını dəstəkləmişdir.
Eyni zamanda orada bu da qeyd edilir ki, Azərbaycan Kəlbəcərdən camaatı
çıxarmaq üçün Türkiyədən helikopter istədi, amma türklər vermədi. Buradan aydın
olur ki, Türkiyə o dönəmdə Kəlbəcər hadisləri zamanı söz deməkdən başqa bir iş
görməyib. Əvəzində İranı qabağa verib.
Onu da əlavə edək
ki, hətta erməni jurnalistlərin yazdığına görə İran o dövrdə Azərbaycandan icazə
istədi ki, müharibəyə qoşunla müdaxilə etsin. Buna görə də iki alayını sərhəddə
çəkmişdi. Amma Azərbaycan buna razılıq vermədi.
Kitabın 137-ci
səhifəsində isə yazılır ki, Türkiyə Ermənistanın tələbi ilə və ən ağır dönəmində
onlara 100 min ton buğda göndərib. Özü də Azərbaycan ordusunun 1992-ci ildə 4
aylıq uğurlu hücüm əməliyyatları nəticəsində 220 yaşayış məntəqəsi azad
olunmuşdu. Üzü qışa gedirdi. Və noyabr ayında hücum dayandırıldı və
1993-cü ilin yaz aylarında başlanılacaq yeni irimiqyaslı hücüma hazırlığa start
verildi. Bu uğurlu əməliyyatlardan sonra 2-ci korpusun komandiri polkovnik Sürət
Hüseynova Milli Qəhrəman adı verildi. Kitabda həmçinin qeyd olunur ki, buğdadan
başqa Türkiyə Ermənistana elektrik enerjisinin verilməsinə də razı
olmuşdu. Lakin Azərbaycanın etirazı nəticəsində bu proses dayandırıldı.
Lakin Türkiyənin keçmiş baş naziri Nəcməddin Erbakan özü eks prezident Əbülfəz
Elçibəyə bildirmişdi ki, ölkəsi Ermənistana elektrik enerjisi verib.
Bundan başqa mətndə deyilir ki, Türkiyə 1992-1993-cü illərin ağır qış aylarında
Avropadan Ermənistana göndərilən yardımları öz ərazisi ilə buraxıb.”
Qeyd edək ki,
bu kitab dərslikdir və müəlliflərin içində Alaəddin Yalçınkaya və Cəmil Həsənlinin
adları da var.
Mənbə: İslaminSesi