Bəndənin Allahla düşmənçiliyi Mövsüm Səmədovun bəyanında – Əxlaq dərsi
Posted on : qafqaz 10/16/2017 1:00:21 PM
AİP lideri Mövsüm Səmədovun həbs edilməmişdən öncə keçdiyi əxlaq dərslərindən I hissəsini oxucularımıza təqdim etmişdik
Xatırladaq ki,
hazırda 12 illik həbs cəzasına məhkum edilən AİP lideri Mövsüm Səmədov
ictimai-siyasi xadim olmaqla yanaşı, eyni zamanda ruhani alim və böyük əxlaq
ustadıdır. O, həbs olunduğu müddətə qədər tələbələri ilə birgə mütəmadi şəkildə
əxlaq dərsləri təşkil edərdi. Doktor Səmədov həmin dərslərdə ali ilahi maarifin
həqiqətlərini insanlara çox gözəl formada izah edərdi. Dərslər hətta o qədər
ilahi nur və feyzlə əhatə olunurdu ki, dərs iştirakçıları dərsin saatlarla
davam etməsini istəyirdi.
Sözügedən dərslərin ikinci hissəsini oxucularına təqdim edirik:
Təvəlla və Təbərranın (Red:Allahın dostları ilə dost, düşmənləri ilə düşmən
olmaq) müxtəlif dərəcələri vardır ki, onları aşağıdakılardır.
• Əqidə
baxımdan təvəlla və təbərra
• Əməl
baxımından təvəlla və təbərra
• Əxlaq
baxımından təvəlla və təbərra
Əxlaqla bağlı təvəlla və təbərra insana məxsus rəzilə və fəzilə sifətlərlə
bağlıdır. Şeytan da insanları həmişə mərtəbə-mərtəbə Allahla düşmənçiliyə
aparır və insanın Allahla olan rabitəsini tamamilə qət etmək istəyir. Bu
baxımdan ən kiçik günahlara və rəzilə əməllərə belə diqqət etməyimiz zəruridir.
Şeytan özü tam şəkildə Allahın hökmünə qarşı çıxıdığına görə, ona itaət edən və
qulaq asan insanı da öz həddinə çatdırır.
Bütün ibadətlər
isə öz növbəsində insanın Allahla rabitəsinə xidmət edir. Nəticədə insan bir həddə
çatır ki, bütün hicablar gözünün qarşısından götürülür. Nəhayətdə anlayır ki, bəndə
və varlıq olaraq Allahla rabitəsi var.
Allah düşmənçiliyin
əlamətləri də müxtəlifdir.
İlk əlaməti
budur ki, bəndə Allahla rabitəsi olduğunu inkar edir. Bu inkar özünü müxtəlif
formalarda, həm düşüncədə, həm əməldə, həm də ki, əxlaqi məsələlərdə göstərir.
Digər bir əlaməti
isə Allah dostları və övliyaları ilə düşmənçilik etməsidir.
Sonuncu əlamət
isə Allahın hökmlərinə qarşı çıxmaqla baş verir. Yəni bəndə Allahın hökmlərinə əməl
etməməklə onunla düşmən olduğunu izhar edir.
Bəndə qəti
olaraq bunu anlamalıdır ki, şeytanın ona verə biləcək heç nəyi yoxdur. Onu işi
ancaq vəd verməkdir ki, bütün vədləri də sonda yalan çıxır. Təəssüf ki,
insanların əksəriyyəti də Allahın haqq vədlərini unudub şeytanın vədlərinə
aldanırlar.
Mənbə: İslaminSesi