İsrail Radiosuna danışan bir polis rəsmisi hadisənin terror aktı olduğunu bildirib. Xəbərə görə, yük maşının sürücüsü hadisə yerində vuruldu.

Polis rəsmisi ölənlərin 3-nün qadın, 1-nin kişi olduğunu bildirib. Polis həyatını itirənlərin 20 yaşlarda olduğunu da qeyd edib.

Baş nazir Binyamin Netanyahu "Hücumu törədən şəxsinn kimliyini və yaşadığı yeri müəyyən etmişik. Bütün göstəricilər İŞİD-ə işarə edir. Fələstində yaşadığı Cəbəl Mukabər bölgəsini də nəzarət altına aldıq. Başqa tədnirlər də görürük", - sözlərini dilə gətirib.

İsrailli polis rəsmisi Luba Samri Qüdsdə yük maşınını əsgərlərin üstünə sürərək, onlardan 4 nəfərini öldürən Fadi Kunbarın Şərqi Qüdsdəki Cəbəl Mukabər məhəlləsindən olduğunu açıqlayıb və 5-i Kunbarın ailəsindən olmaq üzrə 9 adamın nəzarətə götürüldüyünü bildirib.

Fələstinli müqavimət qrupları HƏMAS, "İslami Cihad", "Əqsa Şəhidləri Briqadası" və "Fələstin Xalq Cəbhəsi" işğal altındakı Şərqi Qüdsün cənubunda 4 İsrail əsgərlərinin ölümünə yol açan hücumu təbrik edən bəyanatlar verib. /eastnews