Səudiyyə Ərəbistanının terrorizmi himayəsi regionu hərc-mərcliyə sürükləyib
Posted on : iran 10/16/2017 1:00:21 PM
Səudiyyə Ərəbistanı təkfirçi və terrorçu qruplara dəstək verərək regionu hərc-mərcliyə sürükləyib
İİR XİN sözçüsü Bəhram Qasimi
dünən gecə deyib: Rəftarında dəyişiklik etməsinin beynəlxalq sülh və sakitlik
üçün zərurət daşıdığı oyunçulardan biri də Səudiyyə Ərəbistanıdır.
Qasimi təkfirçi terrorizmin
vəhhabilik düşüncəsindən mənşə aldığına şübhə olmadığını xatırladaraq deyib:
Səudiyyə Ərəbistanı bir tərəfdən Suriya, İraq və Yəmən xalqlarına qarşı qanlı
cinayətlərin səbəbkarıdır, digər tərəfdən isə sionist rejim ilə əlbir olduğuna
görə müsəlmanlar xüsusi ilə də ərəb dünyası və Fələstin amallarına qarşı xəyanət
etmişdir.
İİR XİN sözçüsü deyib: Qərbin
kəşfiyyat təşkilatlarının hesabatlarında Səudiyyə Ərəbistanı ilə dünyanın hər
bir yerində fəaliyyət göstərən təkfirçi ifratçılar arasında mütəşəkkil və
mənalı əlaqənin olduğu öz sübutunu tapıb və görünən odur ki, Səudiyyənin
müdafiə naziri kəşfiyyat ifşaçılıqlarından yayınmağa cəhd göstərir.
Qasimi deyib: Səudiyyə
Ərəbistanının başçıları bu kimi nəticəsiz yayındırmalar yerinə yaxşı olar öz
rəftarları və metodlarında dəyişiklik etsin və təxribatçı hərəkətlər və
siyasətlərinin ağır nəticələrini düşünsünlər.
Səudiyyə Ərəbistanının müdafiə
naziri və vəliəhdinin canişini Məhəmməd Bin Salman Amerikanın Foreign Policy
qəzetinə verdiyi müsahibədə belə bir iddia səsləndirib: " İran üç əsas
məsələ yəni sərhədsiz ideologiya, qeyri-stabillik və terrorizmi təmsil
edir."