ABŞ hava limanında silahlı hücum; 5 ölü - Video
Posted on : Digər sahələr 10/16/2017 1:00:21 PM
ABŞ hava limanında silahlı hücum; 5 ölü - Video
ABŞ-ın Florida
ştatındakı Fort Loderdeyl-Hollivud Hava Limanında baş verən silahlı hücumda həyatını
itirənlərin sayının 5-ə yüksəldiyi, 8 nəfərin də yaralandığı bildirilib.
Brovard Kanti
şerifi Skot İsrael keçirdiyi mətbuat konfransında tək olduğunu düşündükləri şəxsin
silahından çıxan güllələr nəticəsində 5 nəfərin həyatını itirdiyini, yaralanan
8 nəfər isə xəstəxanaya çatdırıldığını söyləyib.
İsrael hadisəyə
"terror aktı" demək üçün erkən olduğunu qeyd edib.
Amerika
mediasında yer alan xəbərlərdə isə silahlının adının Esteban Santyaqo (26)
olduğu və yaxalandığı zaman yanında ordu kimliyi olduğu məlumatı verilib.
Daha əvvəl ABŞ
ordusunda xidmət etdiyi və İraqda olduğu qeyd edilən Santyaqonun Floridaya
Alyaskadan gəldiyi və baqaj alımı əsnasında hücumu həyata keçirdiyi qeyd
olunub.
Florida yerli mətbuatı
Fort Loderdeyl-Hollivud Hava Limanında silahlı hücum olduğunu, ilkin
versiyalara görə, azı 3 adamın öldüyünü və azı 5 adamın yaralandığını
bildirmişdi. Terminal 2-nin baqaj təhvili hissəsindəki hadisədən sonra sərnişinləri
təxliyyə edən polislərin silahlını nəzarətə götürdüyü qeyd edilmişdi. /eastnews