Xalid Məşəldən müsəlmanlara qiyam çağırışı
Posted on : Digər sahələr 10/16/2017 12:59:32 PM
Fələstin İslami müqavimət hərəkəti HƏMAS-ın siyasi qanadının rəhbəri Məscidul Əqsanı müdafiə etmək üçün müsəlmanlara çağırış edib.
Verilən xəbərə görə, Qətərdə olan Xalid Məşəl açıqlamasında, "İslam ümmətindən müsəlmanların ilk qibləsi və 2000-ci ildə sionist işğalçı düşmənin hücumlarına qarşı reallaşan intifadənin mərkəzi Məscidul Əqsanı müdafiə etmək üçün qiyamını istəyirəm", - deyib.
Məşəl son günlərdə sionistlər və xüsusilə radikal xaxamların Məscidul Əqsaya hücumlarını qınayaraq, sionist rejimin ərəblərin bölgə hadisələri və xüsusilə Suriya və İraqda baş verən hadisələrlə məşğul olmalarından sui-istifadə edərək, Əqsa məscidinə müsəllət olmağa çalışdığını söyləyib.
HƏMAS rəhbəri Fələstin milləti və İslam ümmətinin sionist İsrailin cinayətlərinə qarşı səssiz qalmayacağını da vurğulayaraq, Məscidul Əqsanın dəstəyə layiq olduğunu, əlinə silah tuta bilən hər şəxsin bu məscidi sionist işğalçıların hücumlarından qoruması lazım olduğunu söyləyib.
