Mitinqdə nə qədər adam iştirak edib?
Posted on : qafqaz 10/16/2017 12:59:32 PM
Təşkilatçılar DİN-in açıqlamasını gülünc adlandırdı
Daxili İşlər Nazirliyi (DİN) Milli Şuranın 12 oktyabr mitinqi ilə bağlı açıqlama yayıb. Açıqlamada bildirilir ki, mitinqdə 900 nəfərə qədər adam iştirak edib.
Mitinqin təşkilatçıları isə DİN-in açıqlamasını gülünc hesab edirlər. Təşkilatçılar bildirir ki, DİN-in ümumiyyətlə mitinqi hansı təşkilatın keçirdiyindən xəbəri yoxdur. "Açıqlamada bir sıra partiyaların, o cümlədən "EL" Hərəkatının adı iştirakçı kimi çəkilib. Açıq-aydın görünür ki, bu ötən illərin açıqlamasıdır. Görünür, bazar gün olduğundan DİN-in əməkdaşları özlərini əziyyətə salmayıb, köhnə açıqlamanı təzə kimi yayıblar", - deyə mitinqin təşkilatçıları bildirib.
Mitinqdən iştirakçıların sayına gəlincə, təşkilatçılar bildirib ki, aksiyaya 7 min nəfərdən artıq insan qatılıb.