bir az əvvəl isə, mübariz ruhani Hacı Abgül Süleymanov telefonla əlaqə saxlayıb. Ruhani bildirib ki, Penitensiar Xidmətin Tibbi Mərkəzində ona yaxınlaşaraq "hazırlaş "zon"a qayıdırsan" deyilib. O səbəbini soruşanda "biz özümüz də bilmirik" deyilib. Gecə saatlarında 13 saylı CÇM-nə gətirilən Hacı Abgül Süleymanov "kars"a cəza kamerasına salınıb. Bu gün isə mübariz ruhani "kars"dan çıxarılaraq Karantin Korpusuna göndərilib.

Qeyd edək ki, Karantin Korpusu Cəza Çəkmə Müəssisəsinə yeni gələn dustaqların salındığı yerdir.

Onu da qeyd edək ki, sabah mübariz ruhaninin dostları və qohumları CÇM-nə gedəcəklər.


14:40 - İslamazeri.az-ın verdiyi məlumata görə, dünən mübariz ruhani 13 saylı CÇM-nə qaytarılıb.

"Zon"a qaytarılan mübariz ruhani sonra "kars"a salınıb.

Qeyd edək ki, ruhaninin "kars"a salınma səbəbi dəqiq bilinmir,lakin Abgül Süleymanovun vəkilləri sabah 13 saylı CÇM-nə gedəcəklər və mübariz ruhaniyə qarşı bu addımın səbəbi məlum olacaq.

Xatırladaq ki, bir müddətdir AİP lideri, mübariz ruhani Mövsüm Səmədova qarşı da təzyiqlərə start verilib. O 11 saylı CÇM-dən  12 saylı "zon"a köçürülmüş, daha sonra orada "kars"a salınmışdı. Bu təzyiqlər azmış kimi onu Qobustandakı qapalı tipli həbsxanaya göndərilməsilə bağlı daxili məhkəmə qərar verib.