İraq Müdafiə Nazirliyinin sözçüsü Muhəmməd əl-Əskəri, paytaxt Bağdadın şimalında yerləşən Zələviyyə şəhərinin vəhhabi ünsürlərindən azad edildiyini bildirərək deyib: “İraq Milli Ordusu Şiə və Sünni tayfaların köməkliyi ilə, Zələviyyə şəhərini yaraqlı təkfirçilərin çəngindən azad edib”.

Muhəmməd əl-Əskəri, İraq Milli Ordusunun qondarma “İŞİD” adlı terrorçu birləşməyə qarşı apardığı mübarizədə Zələviyyə şəhərinin azad edilməsinin olduqca böyük əhəmiyyət kəsb etdiyini açıqlayara bildirib: “Bu şəhər, tamami ilə “İŞİD” təkfirçilərin nəhs vücudundan təmizlənib”.

İraq Müdafiə Nazirliyinin Sözçüsü habelə bir gün ərzində 25 vəhhabinin gəbərdildiyinə işarə edərək deyib: “Biz hazırda belə bir nəticəyə gəlmişik ki, “İŞİD” terror qruplaşmasının əksər üzvləri avropalı cinayətkarlardır. Zələviyyə əməliyyatında həlak olan 25 vəhhabidən bir neçəsi avropanın digər bölgələrindən olmaqla 2-si İngiltərəlidir”.