ABŞ-ın vitse prezidenti Cozef Bayden Suriyada olan terrorçu təşkilatlar və həmçinin “Əl-qaidə” ABŞ-ın regionda olan müttəfiqləri tərəfindən silah və maliyyə ilə təmin edildiyini deyib.

Harvard universitetində çıxışı zamanı Cozef Bayden bunları söyləyib: "Bizim Suriyada ən böyük problemimiz regionda olan müttəfiqlərimiz olub. Türklər səudiyyəlilər, Briləşmiş Ərəb Əmirlikləri və başqaları kimi bizim dostlarımız idi. Amma onlar nə etdilər? Suriyada Bəşər Əsədə qarşı vuruşmaq istəyənin kimliyindən asılı olmayaraq, yüz milyonlarla dollar vəsait və on minlərlə ton silah göndərdilər. Bu silahları alanlar “Nusra Cəbhəsi,” “Əl-Qaidə” və dünyanın müxtəlif nöqtələrindən gələn terrorçu düşüncəli qüvvələr idi."

Cozef Bayden çıxışının sonunda bildirib ki, "müttəfiqlər öz səhvlərini başa düşərək, ABŞ rəhbərliyi altında anti-terror koalisiyasına qoşulublar."