Azərbaycanda dinlə bağlı daha bir qadağa
Posted on : qafqaz 10/16/2017 12:59:31 PM
Azərbaycan Respublikasında dini ədəbiyyat və məmulatların satışı lisenziyalaşdırılmalıdır. Dini Qurumlarla İş üzrə Dövlət Komitəsi (DQİDK) bununla bağlı müvafiq qurumlara konkret təkliflər göndərib. Bunu Trend-ə müsahibəsində Dini Qurumlarla İş üzrə Dövlət Komitəsinin sədri, Yeni Azərbaycan Partiyasının (YAP) icra katibinin müavini Mübariz Qurbanlı deyib.
Dövlət Komitəsi sədrinin sözlərinə görə, DQİDK- də xüsusi ekspertiza qrupu fəaliyyət göstərir və ölkəyə daxil olan, eləcə də ölkədə çap olunan dini kitablar ekspertizadan keçirilir, yoxlanılır.
M.Qurbanlı hesab edir ki, Dövlət Komitəsinin dini kitabların satışı ilə də bağlı razılığı alınmalıdır: “Dini kitabların satışı üçün bizim razılığımız alınmalıdır. Burada sərt mərkəzləşmə getməlidir. Həm ölkəyə daxil olan və ölkədə nəşr olunan kitabların, həm də dini xarakterli məmulatların satışı ilə bağlı lisenziyalaşdırma aparılmalıdır. Bu sahədə mütləq müəyyən lisenziyalaşdırma sistemi tətbiq olunmalıdır”.
Xalq arasında kifayət qədər hörmət sahibi olan ruhanilərin həbsi ilə yanaşı, hicabın yasaqlanması, dini dərsliklərin tədrisinin qadağalanması, xaricdə təhsila alan dini tələbələrin fəaliyyətinin məhdudlaşdırılması, vahid xütbə və vahid ruhani geyimlərinin tətbiq edilməsi, dini ədəbiyyatların məhdudlaşdırılması və digər şiəfobiya siyasətlərin tətbiqinə baxmayarq, Azərbaycanaın mentalitetinə biganə olan vəhhabi-sionist dəstələrinin məneəsiz fəaliyyəti davam edir.
