"İŞİD-lə mübarizə regionun istilası üçün yeni bir ssenaridir"
Posted on : iran 10/16/2017 12:59:31 PM
Ayətullah Əhməd Cənnəti Tehranın cümə namazı xütbələrində İŞİD məsələsinə və Qərbin bu terrorçu qruplaşmaya qarşı koalisiya təşkil etməsinə, Yəmən hadisələri və Husi qrupunun bu ölkədəki rolu məsələlərinə toxunub.
Ayətullah Əhməd Cənnəti Tehranın cümə namazı xütbələrində İŞİD məsələsinə və Qərbin bu terrorçu qruplaşmaya qarşı koalisiya təşkil etməsinə toxunaraq qeyd edib: "Amerikanın özü İŞİD terrorçu qruplaşmasını regionda yaradıbdır və indi də özünün aldadıcı siyasətləri çərçivəsində İŞİD-ə qarşı koalisiya adlı bir koalisiya təşkil edibdir"
Tehranın cümə namazının xətibi qeyd edib: "Hamı bilir ki, regionda terrorçu İŞİD qruplaşmasının fəaliyyəti üçün xərclənən külli miqdarda pula Amerika və bu ölkənin regiondakı müttəfiqləri tərəfindən verilibdir. Buna görə də İŞİD-ə qarşı koalisiya formal və tamaşa xarakterli koalisiyadır."
Ayətullah Əhməd Cənnəti Yəmən hadisələri və Husi qrupunun bu ölkədəki rolu haqda da qeyd edib: "Bu qrupun hərəkəti Yəməndə daxili müstəbidliklə mübarizə çərçivəsindədir."
Bəzi Qərb dövlətlərinin İrana qarşı psixoloji müharibəsinə işarə edən Tehranın cümə namazı xitabətçisi həmçinin qeyd edib: "Onlar müsəlmanların pak əqidələri və inamlarına qarşı təxribatçı hərəkətlər həyata keçirib, Qərb mədəniyyətini İslam mədəniyyətinin yerində yerləşdirmək istəyirlər, buna görə də bu haqda ayıq-sayıq olmaq lazımdır.
