Əkin sahələrini suvarmağa su yoxdur (Rəsmi açıqlama)
Posted on : qafqaz 10/16/2017 12:59:30 PM
Saray və Tağıyev qəsəbələrinin sakinləri əkin sahələrini suvarmaq üçün su tapmadıqlarından şikayətçidirlər
Sakinlər bildiriblər ki, artıq bir aydır əkin sahələrini suvara bilmirlər. Onlar əkin sahələrinin susuzluqdan məhv olmasından narahatdırlar.
Məsələ ilə bağlı "Qafqazinfo" saytı Azərbaycan Meliorasiya və su təsərrüfatı Açıq Səhmdar Cəmiyyəti ilə əlaqə saxlayıb.
Su anbarları və hidroqovşaqların istismarı sektorunun müdiri Əbdürrəhim Hacıyev bildirib ki, havaların isti keçməsi ilə əlaqədar Samux çayının su ehtiyatı azalıb: "Biz bununla bağlı dəfələrlə açıqlama vermişik. Nazirlər Kabinetinə də məlumat vermişik. Havaların quraqlıq olması ilə bağlı su ehtiyatı 10 dəfə azalıb. Çaydan gələn su Şabrana rayonuna ancaq çatır. Quraqlığın olması, havaların isti keçməsi bizim günahımız deyil".