Səfəvi dövrünün türkcə-farsca lüğəti çapdan çıxıb
Posted on : qafqaz 10/16/2017 12:59:31 PM
Əsəri geniş “Ön söz”lə nəşrə hazırlayan doktor Həsən Cavadi və doktor V.Flor olub
Tehranda Səfəvi hökmdarı Şah Süleymanın (1666-1694) dövründə yaşamış Azərbaycan alimləri Məhəmməd Rza və Əbdülcəmil Nəsiminin tərtib etdikləri türkcə-farsca lüğət çapdan çıxıb.
Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutundan bildiriblər ki, Səfəvilər dövründə meydana çıxmış lüğətlərdən ən dəyərlisi olan bu əsərdə cığatay, Osmanlı, Azərbaycan və Rusiyada da yaşayan türklərin sözləri fars dilində izah edilir.
Əsəri geniş “Ön söz”lə nəşrə hazırlayan ABŞ-da yaşayan həmvətənimiz doktor Həsən Cavadi və doktor V.Flor kitabda mətnin nəşrə hazırlanmasında onlara kömək etmiş AMEA-nın Məhəmməd Füzuli adına Əlyazmalar İnstitutunun direktor müavini, filologiya elmləri doktoru Paşa Kərimova minnətdarlıqlarını bildiriblər.
Əsərin Azərbaycanda da nəşri nəzərdə tutulub.
Mənbə
AzərTAc