İslam İnqilabının Böyük Rəhbəri Həzrət Ayətullahülüzma Xamenei xəstəxanadan çıxdıqları zaman İranın "İŞİD"lə mübarizə koalisiyasına dəvət olunması məsələsi barəsində Amerika rəsmilərinin rəftar və mövqeləri və iddialarının yalan və ziddiyyətli olmasının faktlarını bəyan edərək bildiriblər: İraqda həyata keçirilən və "İŞİD"-in belini qıran hərəkət amerikalıların işi deyildi, İraq xalqı, ordusu və xalq qüvvələrinin işi idi və amerikalılar və İŞİD terror qruplaşmasının özü bu reallığı bilirlər.

İslam İnqilabının Böyük Rəhbəri həmçinin İranın əziz xalqı, hörmətli şəxsiyyətlər və rəsmilərin lütfü və məhəbbəti, eləcə də xəstəxananın tibbi kadrının zəhmətlərinə görə səmimi təşəkkürünü bildirib və alqışlayıblar.