Görəsən geniş miqyasda həyata keçirilən həbslərin arxasında hansı siyasi məsələlər durur? Umumiyyətlə dövlət tərəfindən atılan bu addımların arxasındakı qaranlıq məqamlar nədən ibarətdir? Mövzu ilə əlaqədar Azadxeber.net-in sualını tanınmış politoloq Leyla Əliyeva cavablandırdı. 

Politoloq bildirdi ki, bu gün ölkədə müxalif yönlü şəxslərin həbs edilməsi uçun çox sərfəli şərait mövcuddur: "Çünki dünya ölkələrinin, xüsusilə də Amerikanın başı Ukrayna, Fələstin, İraq və Yaxın Şərqdə baş verən hadisələrə qarışıb. Belə bir məqamda isə bu cür həbsləri həyata keçirmək daha asandır. Həbslərin hansı səbəbdən həyata keçirildiyini şərh edən xanım politoloq qeyd etdi ki, 2015-ci ildə Azərbaycanda iki mühüm hadisə - yay olimpiya oyunları və parlament seçkiləri keçiriləcək. 

 Hüquq müdafiəçiləri və QHT rəhbərləri kifayət qədər potensial namizədlər olduğundan dövlət onları neytrallaşdırmaq istəyir.Bundan əlavə bu cür mötəbər yarışın Azərbaycanda keçirilməsi hüquq müdafiəçilərinə imkan verir ki, ölkədəki mövcud problemləri beynəlxalq ictimaiyyətin diqqətinə çatdırsınlar.Təbii ki, bu da dövlətin maraqlarına tamamilə zidd olduğundan həbslərin miqyası günü-gündən genişlənir".