Tashaio.com-ın məlumatına görə, Seyid Həsən Nəsrullah cümə günü axşam İranın xarici işlər naziri ilə görüşündə son regional və beynəlxalq hadisələr, o cümlədən işğal olunmuş Fələstinlə bağlı hadisələri müzakirə edib.

Nəsrullah bu görüşdə deyib: "Bu gün düşmənlərin təzyiqlərinə baxmayaraq, Livan və Fələstində müqavimət ən yaxşı və güclü vəziyyətdədir və sionist rejim son illərin ən pis və ən zəif mövqeyindədir".

O, Aliməqamlı Rəhbərin, İran hökumətinin və xalqının regionda sabitlik və təhlükəsizliyin bərqərar olunmasına köməklik göstərməkdə mövqelərini yüksək qiymətləndirərək deyib: "Baş verən dəyişikliklərlə region xalqını parlaq və qalib gələcək gözləyir".

Nəsrullah Tehran-Ər-Riyad razılaşmasına diqqət çəkərək, bunun regiona müsbət təsirlərinə işarə edib.

Bu görüşdə bir sıra mühüm regional və beynəlxalq məsələlər müzakirə edilib.

Hüseyn Əmir Abdullahian da öz növbəsində Livan Hizbullahının baş katibinə Ukrayna, Əfqanıstan, Avropadakı vəziyyət, Sudan, Fələstində baş verən hadisələr, eləcə də İranın Beynəlxalq Atom Enerjisi Agentliyi ilə əməkdaşlığı ilə bağlı İranın son mövqeləri barədə məlumat verib.

Regional səfərini davam etdirən Əmir-Abdollahian çərşənbə günü axşam Livanın paytaxtı Beyruta daxil olub.

Bu səfər zamanı İranın xarici işlər naziri Livanın xarici işlər naziri Abdullah Bu Həbib, baş nazir Nəcib Miqati və Livan parlamentinin sədri Nəbih Berri ilə görüşüb və danışıqlar aparıb.