Qarabağ Azadlıq Təşkilatı bəyanat yaydı
Posted on : qafqaz 10/16/2017 12:59:31 PM
QAT Cavid Məmmədovun Ermənistanın işğalçı qüvvələri tərəfindən girov götürülməsini erməni rəzalətinin növbəti nümunəsi kimi dəyərləndirir
Ərdəbil Məhde Təşəyyo - a daxil olan bəyanatda deyilir, “Ermənilər bu günə qədər dəfələrlə məhz uşaqları hədəf olaraq seçmiş, snayper gülləsi ilə 1 azyaşlı uşağı öldürmüş, 1 uşaq ermənilərin çayla axıtdıqları oyuncaq-bomba ilə partladılıb, 2 uşaq yaralanıb. Bütün bunlar göstərir ki, ermənilər ən eybəcər hərəkətlərdən də çəkinmir, uşaqlarla müharibə edirlər. Ermənilərin bu dəfə girov götürdükləri uşağın cəmi 15 yaşı var, həmçinin II qrup əlildir. Biz hesab edirik ki, beynəlxalq təşkilatlar Ermənistan işğalçı qüvvələrinin bu antiinsani hərəkətini pisləməli, Ermənistan hökümətindən girovun dərhal azad olunmasını tələb etməlidir. Uşağın girov götürülməsinin özü artıq cinayətdir, onun girovluqda saxlanılması isə on qat cinayətdir və heç bir ölçüyə sığmır. Beynəlxalq Qırmızı Xaç Komitəsi dərhal məsələyə müdaxilə etməli, uşağın azad olunaraq, Azərbaycana qaytarılmasını təmin etməlidir.”
