“Dağlıq Qarabağ məsələsi bizim ümumi dərdimizdir. Gənclərimiz xarici ölkələr Azərbaycanı yalnız münaqişə baş verən ölkə kimi təqdim etməməlidirlər. Xarici həmkarları ilə söhbət zamanı azərbaycanlı tələbələr əvvəlcə ölkəmizin mədəniyyətini turizim imkanlarından danışmalıdırlar. Qarabağ məsələsindən isə ayrıca danışmalıdırlar”.

Bu sözləri “Xaricdə Təhsil alan və Məzun olmuş Gənclərin Beynəlxalq Formu” İctimai Birliyinin (ASAİF) 12-ci Forumunda çıxış zamanı Prezident Administrasiyasının İctimai-siyasi məsələlər şöbəsinin sədri Əli Həsənov deyib.

O, xaricədə təhsil almaq hüququnu əldə edən gənclərin hər şeydən öncə yaxşı təhsil almalı olduqlarını vurğulayıb: “Gənclərimiz oxuduqları ölkədə yaxşı təhsil almaldırlar. Onlar özlərini inkişaf etdirməlidirlər. Müxtəlif sahələrdə, informasiya texnalogiyaları sahəsində biliklərini dərinləşdirməlidirlər. Təhsil adıqları ölkənin dilini öyrənməlidirlər".