Tashaio.com xəbər verir ki, Sabreen News Teleqram kanalı Amerikanın “Sally Port” şirkətinin yerləşdiyi aviabazanın yaxınlığında partlayış səsinin eşidildiyini bildirib.

Xəbər yayılandan bir müddət sonra, AFP İraqdakı məlumatlı təhlükəsizlik mənbəsinə istinadən ABŞ əsgərlərinin yerləşdiyi aviabazaya iki raketin atıldığını və raketlərin bazaya düşdüyünü, ancaq itki olmadığını bildirib.

Əl-Məyadinin İraqdakı müxbiri, bazaya raket atıldığını təsdiqləsə də, Bağdaddan 64 km şimalda yerləşən Bələd aviabazasında ABŞ qüvvələrinin olmadığını bildirib.

Bağdad Əl-Youm xəbər saytı da bu məlumatı təsdiqləyərək, təhlükəsizlik mənbəyindən raket hücumunun itki və ziyan vurmadığını və raketlərin Bələd aviabazasının yaxınlığına və ərazisindən kənara düşdüyünü öyrəndiyini bildirib.

Hücum üçün məsuliyyəti heç bir qruplaşma öz üzərinə götürməyib.

İraqın Birgə Əməliyyat Komandanlığına bağlı Təhlükəsiz İnformasiya Xidmətindən verilən açıqlamada Səlahəddinin cənubundakı Bələd aviabazasının ərazisinin xaricinə iki raketin düşdüyü bildirilib.

Açıqlamaya görə, raketlər Diyalə vilayətinin Əl-Ducmə bölgəsindən atılıb.