Novruz hələ qədim zamandan bəri ilin təhvil olması münasibətilə bayram kimi qeyd olunur. Yerin şad olduğu və canlıların həyəcana gəlib, qış yuxusundan ayıldıqları zamandır. Bu bayram insanları bir dam altında toplayar, küsənləri barışdırar və qohumlar arasındakı bağı möhkəmləndirər.

Bəs İslamın Növruz bayramına münasibəti necədir?

Bu bayramla bağlı hədislərimiz vardır ki, onlara nəzər salaq:

İmam Sadiq (ə) buyurur: “Nə zaman Novruz gəlib çatar, qüsl al, ən pakizə libaslarından geyin və ətirlən. Həmin günü oruc tut”.

Novruz bayramında İmam Əliyə (ə) hədiyyə gətirirlər və Həzrət (ə) buyurur: “Bu hədiyyə nədir?”. Onlar da cavab verirlər ki, bu gün Novruz bayramıdır. İmam (ə) buyurur: “Hər günü bizim üçün Novruz edin”.

Novruz bayramının ən önəmli adətlərindən biri – sileyi-rəhm etməkdir.

İmam Baqir (ə) buyurur: “Qohumlarla rabitə qurmaq – əməlləri pakizə edər. Malı artırar, bəlaları uzaqlaşdırar və insanın ölümünü təxirə salar”. (Tebyan)

Bu səbəblərdən də Novruz bayramı dinimiz tərəfindən bəyənilən bayramlardan hesab olunur.