Məhəmməd Əli Əl-Husi: “Bu günə qədər heç bir sülh planı təqdim edilməyib”
Məhəmməd Əli Əl-Husi: “Bu günə qədər heç bir sülh planı təqdim edilməyib”
Posted on : Digər sahələr 03/03/2021
Yəmənin Ali İnqilab Komitəsinin rəhbəri Məhəmməd Əli Əl-Husi indiyə qədər ölkələr tərəfindən Səna hökumətinə heç bir sülh planı təqdim edilmədiyini bildirib.
Tashaio.com xəbər verir ki, Məhəmməd Əli Əl-Husi Sputnik-ə açıqlamasında bunları deyib: “Yəmənin düşmənləri Məarib əməliyyatının Yəmən müharibəsindən ayrı olduğunu və Məaribə ilk hücum edənin ordu və inqilabi xalq komitələri (Ənsarullah) olduğunu göstərməyə çalışırlar. Səna hökumət qüvvələri isə Məaribi Səudiyyə rejiminin koalisiyasından azad etməyə çalışırlar.
İndiyə qədər nə ölkələr tərəfindən bir sülh planı təklif edildi, nə də Səna hökumətinin planları qəbul edildi”.
Rusiyada təcavüzkar ölkələrlə aparılan danışıqları alqışladıqlarını deyən Əl-Husi, belə danışıb: “Moskva əmin olmalıdır ki, Yəmən məsələsi vətəndaş müharibəsi deyil, xarici düşmənin təcavüzüdür”.