Tashaio.com xəbər verir ki, Livanın Əl-Məyadin şəbəkəsinə müsahibə verən Məhəmməd Əl-Buxaiti bildirib ki, Ər-Riyadın Yəmənin raket imkanlarına qarşı durmaq iqtidarında olmadığı qənaətinə gəlib.

Müsahibədə Yəmən ordusu və inqilabi xalq komitələrinin həyata keçirdiyi raket və PUA əməliyyatlarının əvvəlki əməliyyatlardan fərqli olduğunu söyləyən Əl-Buxaiti, belə deyib: “Bu hücümda vacib hədəflər vurulmuşdu”.

Ənsarullah hərəkatının siyasi bürosunun yüksək səlahiyyətli üzvü bu cür əməliyyatların davam edəcəyini bildirərək, belə deyib: “Əməliyyatın dayandırılması Səudiyyə rejiminin koalisiyasının Yəmənə hücumlarının dayandırılması və mühasirənin götürülməsi ilə şərtlənir. Milli Qurtuluş Hökuməti və Ənsarullah hücumlar dayandırıldıqdan sonra siyasi həll yolunu müzakirə etməyə hazırdır”.

Buxaiti Səudiyyə rejimində yaşayanların hərbi mövqelərdən uzaq durmağa çağıraraq, deyib ki, yəmənlilərin bu mövqeləri hədəfə almaq haqqı var.

Əl-Buxaiti Səudiyyə rejiminin blokadasını koalisiyanın Yəmənə birbaşa hərbi hücumlarından daha təhlükəli adlandırıb.

“ABŞ-ın yeni rəhbərliyi yəmənliləri hücumlara son qoyulmasına və Yəmən mühasirəsinin aradan qaldırılmasına çağırmadan Səudiyyə rejiminin koalisiyasına qarşı mübarizəni dayandırmağa çağırır”, - deyə o, bildirib.