MAQATE-nin baş direktoru İran hakimiyyəti ilə görüşmək və İran qanunlarına uyğun, gələcək yoxlama işləri üçün, qarşılıqlı məqbul həll yollarını axtarmaq məqsədilə Tehrana gedəcəyini söylədi. Aİ Xarici İşlər naziri Cosep Borrell də Rafael Qrossinin Tehrana səfərini, sanksiyaların ləğvinə dair qanunda nəzərdə tutulan son tarixin bitməsi ərəfəsindəki əhəmiyyətli ziyarət olaraq xarakterizə edib.

 

Beynəlxalq Atom Enerjisi Agentliyi daha əvvəl, agentliyin baş direktorunun İran səlahiyyətliləri ilə daha çox yoxlama fəaliyyətinin təmin edilməsi üçün həll yolu müzakirə etməyi planlaşdırdığını və tərəflərin razılaşdırdığını elan etmişdi. Keçən həftənin çərşənbə axşamı, MAQATE daha əvvəl İran səfiri və Vyanadakı beynəlxalq təşkilatlardakı daimi nümayəndəsi Kazem Qaribabadi tərəfindən bildirildiyi kimi, JCPOA çərçivəsində könüllü əməkdaşlığın dayandırılması barədə Tehrandan məktub alındığını təsdiqləyib.