Tashaio.com xəbər verir ki, ABŞ-ın İraqdakı koalisiyası dünən (15 fevral) axşam Ərbilə endirilən raket hücumunda ən azı yeddi nəfərin öldüyünü və ya yaralandığını elan edib.

ABŞ-ın İraqdakı beynəlxalq koalisiya qüvvələrinin sözçüsü polkovnik Ueyn Maruto Tvitterdə bunları yazıb: “İlkin məlumatlar, koalisiya qüvvələrinə dolayı hücumun Ərbildə baş verdiyini göstərir. Bir podratçı işçi öldü, beş podratçı və bir Amerika əsgəri yaralandı”.

Maruto hadisə ilə bağlı daha çox məlumat və təfərrüat üçün gözləməli olduqlarını da söyləyib.

İraqın Sabreen News Telegram Kanalı da məlumatlı mənbəyə istinadən eksklüziv xəbər verərək, Amerikanın Ərbil bazasına qarşı edilən raket əməliyyatı zamanı Mərkəzi Kəşfiyyat İdarəsinə (MKİ) məxsus bir “Super Keynesia 350” təyyarəsinin ciddi şəkildə zərər gördüyünü bildirib və bir MC-1 Predator kəşfiyyat təyyarəsinin məhv edildiyini qeyd edib.

Sabreen News-a açıqlama verən mənbə ağır yaralı bir çavuşun xilasetmə helikopteri ilə Əynul Əsəd bazasına aparıldığını bildirib.

***

Yeni yaradılan İraq qrupu “Saraya Avliya Əl-Dam” ABŞ qüvvələrinin İraqın heç bir yerində təhlükəsiz olmayacağını söyləyərək, Ərbil bazasına edilən hücumun məsuliyyətini öz üzərinə götürüb.

Deyerler.org xəbər verir ki, Sabreen News Telegram kanalının yaydığı qrupun açıqlamasında bunlar qeyd edilib: “15 fevral saat 21:15-də, şimal bölgəsində Müqəddəslər Evində Amerika işğalçılarına qarşı müvəffəqiyyətli əməliyyat keçirildi.

Ərbildəki işğalçıların bazasından (Əl-Hərir) 7 km məsafəyə yaxınlaşdıq və işğalçıların zenit sisteminin onları ələ ala bilməməsi səbəbindən hədəflərini dəqiq vuran 24 raketlə ölümcül zərbələr endirə bildik.

Əməliyyat işğalçı qüvvələrin nəqliyyat vasitələrinə, anbarlarına və təyyarələrinə ciddi ziyan vurması və işğalçı ünsürlərə çoxlu sayda itki ilə nəticələndi. Xalqımıza deyirik ki, işğalçıların bazasının xaricinə düşən minaatanlar, raketlərimizi tutmağa çalışan Amerika mərmiləri idi.

Səbirli xalqımızla əhdimizi yeniləyirik, şəhid liderlərdən intiqam alma çağırışınıza tabe olacağımıza və Amerika işğalçılarının heç bir yerdə, hətta Kürdüstan (İraqda) olsa belə, təhlükəsiz olmayacaqlarına dair sözümüzü yeniləyirik, sizə başqa əməliyyat vəd edirik”.