Yekun qələbə bizim Yəməndəki qardaşlarımızın olacaqdır
Posted on : Təhlil 10/16/2017 12:59:39 PM
Ey Bəhreyndəki qardaşlarımız, ey Suriyadakı qardaşlarımız və ey Neynəvadakı vətəndaşlarımız! Qələbə sizindir. Bu təcavüz və zülmləri başlayanlar isə iflasa uğrayacaqdır
Tashaio.com-un İraq mətbuatına istinadən
xəbər verir ki, Nəcəf şəhərinin Cümə namazı xətibi Seyyid Sədrəddin Kapancı
bildirib ki, Tikrit şəhərinin azad edilməsindən sonra "İŞİD"in Neynəvadakı
məğlubiyyət qapısı açılıb.O bildirib ki, Tikrit, strateji əhəmiyyətə malik bir
şəhərdir. Bu şəhərin terrorçulardan azad edilməsi onların məğlubiyyətlərinin
açarı olmuşdur. Artıq Mosulun da "İŞİD"dən azad etmək vaxtı gəlib
çatmışdır. Yəni Tikritin qurtuluşunun, Mosul qurtuluşu anlamına gəldiyini deyə
bilərik.
Fatimeyi Kübra hüseyniyəsində Cümə namazı xütbəsində Seyid Sədrəddin mərcəiyət
məqamına işarə edərək bildirdi ki,"Bu ana qədər əldə edilən uğurlarda mərcəiyətin
çox böyük təsiri olmuşdur. Mən yeri gəlmişkən, Amerikalı general Petraeusun
açıqlamalarını da şiddətlə qınayıram. O, verdiyi son açıqlamasında aydın şəkildə
"İŞİD" tərəfində olduğunu göstərmişdir. İraqlı milislərin
"İŞİD"dən daha təhlükəli olduğunu söyləmiş və əsl təhlükənin
"İŞİD" deyil, İran olduğunu bildirmişdir! Bu sözləri ciddiyə almaq gərəkdir...
Çünki, bu sözlər əslində qərbin İraq, İran, Yəmən, Livan, Bəhreyn və Suriya məsələsindəki
mövqeyinin arxa planını göstərir!
İran, Tikrittə "İŞİD"ə qarşı aparılan əməliyyatlarda yalnız məsləhətlərlə
dəstək vermişdir.Bu dəstək iki ölkənin müvafiq orqanları arasındakı müqavilədən
sonra baş vermişdir.
Xətib, İraqın nazirlər kabinetinin "İŞİD"in ölkədə Xristianlar, Türkmənlər,
Şəbəklər və Kürdlərə qarşı "soyqırımı" tətbiq etdiyindən bəhs etməsini
amma Şiələrə qarşı cinayətlərdən heç bəhs etməməsinin də həqiqətən böyük
çaşqınlığa səbəb olduğunu vurğulayıb.
O qeyd edib ki, halbuki, İŞİD birinci dərəcədə Şiələri hədəf almış və
açıq-aşkar olaraq Əhli-Beyt şiələrini qətlə yetirəcəyini elan etmişdir. Nazirlər
necə belə bir həqiqətdən qəflət edə bilər! Xahiş edirəm, daha şəffaf olun, Şiələrin
çəkdiyi acıları sırf ölkə əhalisinin əksəriyyətini təşkil edirlər deyə kiçiltməyin!
Seyyid Sədrəddin, Həzrəti Fatimənin (s.ə) şəhadət günləri münasibətilə dünya
miqyasında və İraqda keçirilən əzadarlıq proqramlarının təqdirəlayiq olduğunu
söyləyib.O, bu proqramların əmin-amanlıq içərisində icra edilməsini təmin edən
hüquq-mühafizə orqanlarına təşəkkür edib.
Xətib, Yəməndəki proseslərə də işarə edərək vurğulayıb ki,"Ərəbistanın rəhbərliyi
altında on Ərəb ölkəsi Yəmən torpaqlarına hücum edib. Bu hücumu şiddətlə pisləyirik.
Əgər güclü pəhləvansızsa şiələri deyil, İsraili hədəf alın; Çünki, əsas düşməniniz
İsraildir! Bu həqiqətən vəhşi dünyanın alnına yazılmış qara bir ləkədir; Ərəbistan
Vaşinqtonun müharibə elçiliyini edir!
Xətib sözlərinin davamında qeyd etdi ki,"Yekun qələbə bizim Yəməndəki
qardaşlarımızın olacaqdır. Ey Bəhreyndəki qardaşlarımız, ey Suriyadakı
qardaşlarımız və ey Neynəvadakı vətəndaşlarımız! Qələbə sizindir. Bu təcavüz və
zülmləri başlayanlar isə iflasa uğrayacaqdır".