Onun həyat yaradıcılığı və keçdiyi siyasi yolu barədə danışan
ailə üzvləri bildirirlər ki, Dr.Səmədov Azərbaycan Tibb Universitetinin
“Müalicə proflaktika” fakultəsini bitirib və uzun müddət Quba rayonunda
ixtisası üzrə işləyib.
Xalq hərəkat başlayandan Azərbaycan Xalq Cəbhəsi Partiyasının
(AXCP) fəal üzvlərindən olub, siyasi fəaliyyətə də buradan başlayıb.
İslam Partiyasının sıralarına isə 20 yanvar hadisələrindən sonra
qatılıb. Bundan sonra 6 il dini təhsil alıb. Partiyanın 2007-ci ildə
keçirilən Qurultayında sədr seçilib.
Ailə üzvləri deyirlər ki, Səmədov maddi cəhətdən imkanlı ailədən
çıxıb. Bütün bunlara baxmayaraq, özünə dinc həyat tərzi yox, ictimai və
siyasi vəziyyətdən çox, coşqun həyat tərzi seçib. Öz xalqının siyasi və
ictimai mövqeyi, çətinlikləri M.Səmədovu yaxından maraqlandırıb, xalqın
asayişini, rifahını öz dincliyindən, öz rahatçılığından daha üstün
tutub.
Onu tanıyanlar bildirirlər ki, insanlarla ünsiyyətdə çox mehriban
və ədəblidir. Həmişə çalışır özünü sakit, təmkinli və vüqarlı aparsın.
Məhz bu xüsusiyyətlərinə görədir ki, Azərbaycanda onu tanıyan hər
bir şəxs barəsində hörmətlə danışır, onun həbsdə qalmasına təəssüf
edirlər. Bu təəssüfdən yaranan narahatçılığa görə, Azərbaycan Ziyalılar
Birliyi və bir qrup dindar Mövsüm Səmədov başda olmaqla bütün
dindarların tezliklə azadlığa buraxılmasını hökumətdən
istəyiblər./Faktxeber.com