Hindistanda əlyazma Quranın ən uzun nüsxəsi təqdim olundu
Hindistanda əlyazma Quranın ən uzun nüsxəsi təqdim olundu
Posted on : Digər sahələr 09/29/2020
Hindistanda 3.1 km uzunluğunda parça üzərində Quran əlyazmasının ən uzun nüsxəsi təqdim edilib.
Tashaio.com "deyerler.org"a istinadla xəbər verir ki, Nuşad adlı hindistanlı dərzi və dörd övladı əl ilə 3,1 km uzunluğundakı Quran nüsxəsini parça üzərində hazırlayıblar. Bu Quran dünyada ən uzun kitab hesab olunur.
“New İndian Express”in xəbərinə əsasən, Quran müəllimi olan Nuşad Quranı bir neçə il parça üzərində yazmağı xəyal etsə də, buna vaxtı olmayıb. Ancaq KOVİD-19 epidemiyasına görə, karantin dövründə bu işi həyata keçirməyə qərar verib.
Hindistanlı dərzi belə deyir: “Quran ayələrinin mətnini 10 yaşıl qələm və 40 mürəkkəb şüşə ilə yığılmış parça rulonlara yazdıq. Layihənin hamısı 20.000 rupiyə başa gəldi”.
Xəbərdə hindistanlı dərzinin uşaqlarının Quran və ərəb dilində təhsil aldıqları və indi hamısının müxtəlif müəssisələrdə dərs dedikləri bildirilib.
