Əfqanıstanda həbsxanaya hücumda 21 nəfər öldürülüb
Əfqanıstanda həbsxanaya hücumda 21 nəfər öldürülüb
Posted on : Digər sahələr 08/03/2020
Əfqanıstanın şərqindəki Nangarhar vilayətində böyük bir həbsxanaya hücumda 21 nəfər öldürülüb, 42-dən çox yaralı var.
Təhlükəsizlik əməkdaşları hücumda şübhəli İŞİD terror qruplaşmasını üzvlərini axtarırlar.
Hücum edənlərdən üçünün öldürüldüyü bildirilir.
Həbsxana ərazisi bağlanıb. AzadAvropa/AzadlıqRadiosu-nun Əfqanıstan xidmətinin müxbirləri atışmanın səngidiyini xəbər verir.
Avqustun 2-də yerli vaxtla axşam saat 6-da vilayət paytaxtı Calalabadda həbsxana qarşısında bomba qoyulmuş avtomobil partladılıb.
Atışma avqustun 3-nə keçən gecə davam edib. Silahlılar həbsxana yaxınlıqdakı binalardan təhlükəsizlik qüvvələri ilə döyüşü davam etdirib.
Rəsmilər 50-100 məhbusun qaçdığını, ancaq çoxunun yenidən yaxalandığını bildirir.
Bu həbsxanada 1700-dən talibançı və İŞİD terror qruplaşmasının üzvləri saxlanır.
İŞİD Amaq xəbər agentliyi vasitəsilə hücuma görə məsuliyyəti üzəridə götürüb.
Bu hücumdan bir gün öncə əfqan xüsusi qüvvələri İŞİD-in Calalabaddakı qərargahının kəşfiyyat rəisini öldürdüyünü açıqlayıb
