Tashaio.com xarici agentliklərə istinadən xəbər verir ki, yarışa qatılan şirkətlər “Boeing, “Northrop Grumman”, “Kratos Defense & Security Solutions” və “General Atomics Aeronautical Systems” (General Atomics şirkətini törəmə müəsisəsi) kimi qurumlardır.

Bunlardan “Kratos Defense & Security Solutions” firması əsasən pilotsuz aparat, peyk, mikroelektronika, habelə hava hücumundan müdafiə sistemlərinin layihələndirilməsi, işlənib hazırlanmsı və istehsalı üzərində ixtisaslaşıb.

“Kratos Defense & Security Solutions” “XQ-58 Valkyrie” adlı pilotsuz uçan aparatın istehsalını həyata keçirib. Bu aparat ABŞ Hərbi-hava qüvvələrinin ucuz başa gələn, zərbə imkanlarına malik texnologiyalar proqramı (Low Cost Attritable Strike Demonstrator — LCASD) çərçivəsində hazırlamasıyla tanınıb.

“General Atomics Aeronautical Systems” isə dünyada ad çıxarmış “MQ-1 Predator” çoxhədəfli PUA-sı ilə öyünə bilər.

ABŞ HHQ-nin perspektivli uçuş aparatları bölməsinin rəhbəri, briqada generalı Deyl Uaytın sözlərinə görə, proqramın ümumi maliyyəti hələ ki 400 milyon dollar təşkil edəcək. O, “Skyborg” proqramının bir neçə istiqamətdə, istifadə ediləciyini vurğulayıb.

ABŞ hərbi rəhbərliyinin fikrincə "Skyborg" muxtar proqram olaraq aparatların uşuşa qalxmasından enməsinə, habelə döyüş şəraitində situasiyadan asılı olaraq müstəqil şəkildə qərar verərək fəaliyyət göstərməsinə qədər bütün funksiyaları icra etməlidir.